Rotterdamning "Feyenoord" klubida o‘ynayotgan slovakiyalik himoyachi David Gansko Italiya A Seriyasiga ko‘chib o‘tishi mumkin.
Manbaga ko‘ra, 27 yoshli futbolchiga Turinning "Yuventus" klubi qiziqish bildirmoqda. Agar uning Saudiya Arabistonining "An-Nasr" klubiga o‘tishi barbod bo‘lsa, "keksa sinyora" Ganskoni sotib olishga harakat qiladi.
David 2022 yilning avgustidan beri "Feyenoord" sharafini himoya qilmoqda. Futbolchining klub bilan amaldagi shartnomasi 2028 yilning iyun oyi oxirigacha mo‘ljallangan. Transfermarkt portali himoyachining bozor narxini 30 million yevroga baholamoqda.













