Роттердамнинг "Фейеноорд" клубида ўйнаётган словакиялик ҳимоячи Давид Ганцко Италия А Сериясига кўчиб ўтиши мумкин.
Манбага кўра, 27 ёшли футболчига Туриннинг "Ювентус" клуби қизиқиш билдирмоқда. Агар унинг Саудия Арабистонининг "Ан-Наср" клубига ўтиши барбод бўлса, "кекса синьора" Ганцкони сотиб олишга ҳаракат қилади.
Давид 2022 йилнинг августидан бери "Фейеноорд" шарафини ҳимоя қилмоқда. Футболчининг клуб билан амалдаги шартномаси 2028 йилнинг июнь ойи охиригача мўлжалланган. Transfermarkt портали ҳимоячининг бозор нархини 30 миллион еврога баҳоламоқда.
