"PSJ"ning chap qanot vingeri Bredli Barkolya parijliklar bilan shartnomani uzaytirish bo‘yicha muzokaralarga tayyor, deya xabar bermoqda insayder Fabrisio Romano.
Manbaga ko‘ra, tez orada har ikki tomon muzokara jarayonini boshlashi kerak.
22 yoshli fransuzning amaldagi shartnomasi 2028 yilning yoziga qadar mo‘ljallangan. "PSJ" rahbariyati va bosh murabbiy Luis Enrike vingerning o‘yinidan juda mamnun.
"PSJ" Barkolani 2023 yilning yozida "Lion"dan 42 million yevroga sotib olgandi. U o‘tgan mavsumda 58 ta o‘yinda 21 ta gol urdi va 18 ta golli uzatmani amalga oshirdi.













