"ПСЖ"нинг чап қанот вингери Брэдли Барколя парижликлар билан шартномани узайтириш бўйича музокараларга тайёр, дея хабар бермоқда инсайдер Фабрицио Романо.
Манбага кўра, тез орада ҳар икки томон музокара жараёнини бошлаши керак.
22 ёшли французнинг амалдаги шартномаси 2028 йилнинг ёзига қадар мўлжалланган. "ПСЖ" раҳбарияти ва бош мураббий Луис Энрике вингернинг ўйинидан жуда мамнун.
"ПСЖ" Барколани 2023 йилнинг ёзида "Лион"дан 42 миллион еврога сотиб олганди. У ўтган мавсумда 58 та ўйинда 21 та гол урди ва 18 та голли узатмани амалга оширди.
