Fransiyaning “Marsel” klubi “Yuventus” futbolchisi Timoti Vea bilan muzokaralarni boshladi.
Provanslarning amerikalik vingerga qiziqishi haqidagi ma’lumotlar o‘tgan hafta paydo bo‘ldi. Insayder Nikolo Skiraning so‘zlariga ko‘ra, "Marsel" allaqachon 25 yoshli futbolchi bilan bog‘lanib, unga 2030 yilgacha shartnoma taklif qilgan.
"Nottingem Forest" iyun oyida Timoti Veaga asosiy da’vogarlar sifatida ko‘rsatilgan edi. Mish-mishlarga ko‘ra, "Yuventus" "o‘rmonchilar"ning taklifini qabul qilishga tayyor edi, biroq futbolchining o‘zi bu kelishuvdan bosh tortgan.
Amerikalik futbolchining "keksa sinyora" bilan shartnomasi 2028 yilgacha mo‘ljallangan.
