Milanning "Inter" klubi "Betis"ning albaniyalik yarim himoyachi Kristian Aslani bo‘yicha 8 mln yevrolik dastlabki taklifini rad etdi. Bu haqda nufuzli insayder Nikolo Skira ijtimoiy tarmoqlarda ma’lum qildi.
O‘tgan mavsumda 23 yoshli futbolchi Italiya A Seriyasida 22 ta o‘yinda maydonga tushib, 2 ta gol urgan va 2 ta golga hammualliflik qilgan. Shuningdek, uning hisobida Italiya kubogi doirasida uchta o‘yin va bitta gol bor. Chempionlar Ligasida albaniyalik sakkizta uchrashuvda qatnashdi. Shu haftalarda AQSHda bo‘lib o‘tayotgan klublar o‘rtasidagi jahon chempionatida Asslani to‘rtta o‘yinda maydonga tushdi.
Bu mavsum yarim himoyachi uchun "Inter" safidagi uchinchi mavsum bo‘ldi.
