Matteo Moretto xabariga ko‘ra, "Vest Xem Yunayted" "Jirona"ning o‘ng qanot himoyachisi Arnau Martines transferi bo‘yicha muzokaralar olib bormoqda.

Londonliklar 22 yoshli futbolchi uchun qancha to‘lashga tayyorligi ma’lum qilinmagan, biroq manbaning ta’kidlashicha, uning shartnomasida 14 million yevrolik band ko‘rsatilgan.

Eslatib o‘tamiz, Arnau kataloniyaliklar tarbiyalanuvchisi hisoblanadi, u 15 yoshida shu akademiyaga qabul qilingan.

2020 yil dekabr oyida u asosiy jamoadagi debyutini o‘tkazdi va shundan beri 162 ta o‘yinda maydonga tushib, 9 ta gol urdi va 17 ta golli uzatmani amalga oshirdi.