Маттео Моретто хабарига кўра, "Вест Хэм Юнайтед" "Жирона"нинг ўнг қанот ҳимоячиси Арнау Мартинес трансфери бўйича музокаралар олиб бормоқда.
Лондонликлар 22 ёшли футболчи учун қанча тўлашга тайёрлиги маълум қилинмаган, бироқ манбанинг таъкидлашича, унинг шартномасида 14 миллион евролик банд кўрсатилган.
Эслатиб ўтамиз, Арнау каталонияликлар тарбияланувчиси ҳисобланади, у 15 ёшида шу академияга қабул қилинган.
2020 йил декабрь ойида у асосий жамоадаги дебютини ўтказди ва шундан бери 162 та ўйинда майдонга тушиб, 9 та гол урди ва 17 та голли узатмани амалга оширди.
