"Milan" va "Bolonya"ning sobiq himoyachisi Davide Kalabriya faoliyatini Angliya Premyer-ligasida davom ettirishi mumkin.

Sky Sports xabariga ko‘ra, “Kristal Pelas” klubi 28 yoshli italiyalik futbolchini o‘z safiga qo‘shib olishni rejalashtirgan. Kalabriya hozirda erkin agent sifatida o‘ziga yangi jamoa izlamoqda.

2024/2025 yilgi mavsumda Kalabriya “Bolonya” safida ijara asosida o‘ynadi. Himoyachi 27 uchrashuvda qatnashib, 1ta gol urdi va 1 ta golli uzatmani amalga oshirdi. Transfermarkt portali ekspertlari futbolchining bozor qiymatini 4,5 million yevroga baholamoqda.