“Milan”ning fransiyalik himoyachisi Teo Ernandes shu hafta Saudiya Arabistonining “Al-Hilol” klubiga o‘tishdan oldin tibbiy ko‘rikdan o‘tadi, deya xabar beradi taniqli jurnalist va insayder Nikolo Skira.
Avvalroq "Milan" Ernandes uchun 25 million yevro olishi, Teoning o‘zi esa yaqin kunlarda u bilan shartnoma imzolashi haqida ma’lumotlar paydo bo‘lgan edi.
O‘tgan mavsumda Ernandes barcha turnirlarda 49ta o‘yinda qatnashib, beshta gol urdi va oltita golli uzatmani amalga oshirdi. Futbolchining klub bilan amaldagi mehnat shartnomasi 2026 yilning yoziga qadar tuzilgan.
