“Милан”нинг франциялик ҳимоячиси Тео Эрнандес шу ҳафта Саудия Арабистонининг “Ал-Ҳилол” клубига ўтишдан олдин тиббий кўрикдан ўтади, дея хабар беради таниқли журналист ва инсайдер Николо Скира.
Аввалроқ "Милан" Эрнандес учун 25 миллион евро олиши, Теонинг ўзи эса яқин кунларда у билан шартнома имзолаши ҳақида маълумотлар пайдо бўлган эди.
Ўтган мавсумда Эрнандес барча турнирларда 49та ўйинда қатнашиб, бешта гол урди ва олтита голли узатмани амалга оширди. Футболчининг клуб билан амалдаги меҳнат шартномаси 2026 йилнинг ёзига қадар тузилган.
