Myunxenning "Bavariya" klubi "Real" vingeri Rodrigo Goesni o‘z safiga qo‘shib olmoqchi va klubga rasmiy taklif bilan chiqishga tayyor. Bu haqda El Chiringuito jurnalisti Eduardo Inda xabar bermoqda.

Jurnalistning ma’lum qilishicha, futbolchiga Myunxen klubidan tashqari "Arsenal", "Chelsi" va "Manchester Siti" klublari ham qiziqish bildirmoqda. Qayd etilishicha, "Chelsi" Rodrigoning agenti bilan aloqaga chiqqan, ammo "Real"ga rasmiy taklif bilan chiqmagan.

"Qaymoqranglilar" rahbariyati esa 80 mln yevrodan kam bo‘lgan takliflarni ko‘rib chiqmasligini ma’lum qilgan.

Eslatib o‘tamiz, Rodrigo o‘tgan mavsum 54 ta o‘yinda maydonga tushib, 14 ta gol va 11 ta golli uzatmaga mualliflik qilgan.