Мюнхеннинг "Бавария" клуби "Реал" вингери Родриго Гоэсни ўз сафига қўшиб олмоқчи ва клубга расмий таклиф билан чиқишга тайёр. Бу ҳақда El Chiringuito журналисти Эдуардо Инда хабар бермоқда.
Журналистнинг маълум қилишича, футболчига Мюнхен клубидан ташқари "Арсенал", "Челси" ва "Манчестер Сити" клублари ҳам қизиқиш билдирмоқда. Қайд этилишича, "Челси" Родригонинг агенти билан алоқага чиққан, аммо "Реал"га расмий таклиф билан чиқмаган.
"Қаймоқранглилар" раҳбарияти эса 80 млн евродан кам бўлган таклифларни кўриб чиқмаслигини маълум қилган.
Эслатиб ўтамиз, Родриго ўтган мавсум 54 та ўйинда майдонга тушиб, 14 та гол ва 11 та голли узатмага муаллифлик қилган.
