"Chelsi" bosh murabbiyi Enso Mareska klublar o‘rtasidagi jahon chempionatida muvaffaqiyatli ishtirok etgani uchun qanday foyda olgani haqidagi savolga javob berdi.
Seshanba kuni "ko‘klar" "Fluminense"dan ustun kelib (2:0) finalga yo‘l oldi. Umuman olganda, klub turnirdagi faoliyati davomida deyarli 100 million yevro mukofot puli ishlab oldi.
"Men g‘alaba qozonsak, ko‘proq pul ishlab olamiz, degan fikr bilan o‘yinlarga tayyorlanmayman. Tarkibni kuchaytirish bo‘yicha aniq tasavvurga egamiz va umid qilamanki, o‘z maqsadimizga erishamiz. Shaxsan men har doim o‘yinlarga bir xil yondashaman, meni pul qiziqtirmaydi," - deya Mareskaning intervyusidan iqtibos keltiradi jurnalistlar Kiran Jill va Ben Jeykobs.
