"Челси" бош мураббийи Энцо Мареска клублар ўртасидаги жаҳон чемпионатида муваффақиятли иштирок этгани учун қандай фойда олгани ҳақидаги саволга жавоб берди.
Сешанба куни "кўклар" "Флуминенсе"дан устун келиб (2:0) финалга йўл олди. Умуман олганда, клуб турнирдаги фаолияти давомида деярли 100 миллион евро мукофот пули ишлаб олди.
"Мен ғалаба қозонсак, кўпроқ пул ишлаб оламиз, деган фикр билан ўйинларга тайёрланмайман. Таркибни кучайтириш бўйича аниқ тасаввурга эгамиз ва умид қиламанки, ўз мақсадимизга эришамиз. Шахсан мен ҳар доим ўйинларга бир хил ёндашаман, мени пул қизиқтирмайди," - дея Маресканинг интервьюсидан иқтибос келтиради журналистлар Киран Жилл ва Бен Жейкобс.
