"Bavariya" uzoq vaqtdan beri o‘z safiga yangi vinger qo‘shib olish ustida ishlamoqda. Jamal Musiala jiddiy jarohat olib, uzoq muddatga safdan chiqqani esa Myunxen grandini hujum chizig‘ini kuchaytirishga undamoqda.
Matbuot "Bavariya"ni "Liverpul" vakili Luis Dias bilan bog‘lamoqda. Myunxen grandi allaqachon 28 yoshli kolumbiyalik bilan kelishib olgani haqida ma’lumotlar paydo bo‘lgandi - futbolchi "Bavariya"ga o‘tishni istamoqda.
Bild nashri xabariga ko‘ra, "Bavariya" Diasning transfer narxi bo‘yicha o‘z rejasini belgilab olgan. Germaniya chempionlari ko‘pi bilan 60 million yevro va bonuslar to‘lashga tayyor.
O‘tgan mavsumda Luis Dias 50 ta o‘yinda maydonga tushib, 17 ta gol urdi va 8 ta golli uzatmani amalga oshirdi.
