"Бавария" узоқ вақтдан бери ўз сафига янги вингер қўшиб олиш устида ишламоқда. Жамал Мусиала жиддий жароҳат олиб, узоқ муддатга сафдан чиққани эса Мюнхен грандини ҳужум чизиғини кучайтиришга ундамоқда.
Матбуот "Бавария"ни "Ливерпуль" вакили Луис Диас билан боғламоқда. Мюнхен гранди аллақачон 28 ёшли колумбиялик билан келишиб олгани ҳақида маълумотлар пайдо бўлганди - футболчи "Бавария"га ўтишни истамоқда.
Bild нашри хабарига кўра, "Бавария" Диаснинг трансфер нархи бўйича ўз режасини белгилаб олган. Германия чемпионлари кўпи билан 60 миллион евро ва бонуслар тўлашга тайёр.
Ўтган мавсумда Луис Диас 50 та ўйинда майдонга тушиб, 17 та гол урди ва 8 та голли узатмани амалга оширди.
