"PSJ"ning "Real" darvozasiga kiritgan uchta goli har ikki klubning rekordini yangiladi.
Parijliklar klublar o‘rtasidagi jahon chempionati yarim finalida madridliklar (3:0, tanaffus) bilan o‘ynamoqda.
"PSJ" 2018 yil aprelidan buyon ilk bor 24 daqiqadan so‘ng uchta gol farqi bilan oldinga chiqib oldi. O‘shanda parijliklar bu vaqt ichida Liga 1da "Monako"ga uch marta gol urishgandi.
"Real Madrid" esa 2003 yilning noyabridan buyon ilk bor o‘yinning bu qismida bunchalik ko‘p gol o‘tkazib yubormoqda. O‘sha o‘yinda "qaymoqranglilar" darvozasiga La Liga doirasida "Sevilya" uchta gol urgandi.













