Kataloniyaning "Barselona" klubi sobiq hujumchisi Pedro Rodriges Italiyada to‘p tepmoqda, ammo shu bilan birga Kataloniya superklubidagi ishlarni diqqat bilan kuzatib bormoqda.

Uning fikricha, kataloniyaliklar hujumchini chetdan taklif qilmay, yana o‘z akademiyasining iqtidorli tarbiyalanuvchisiga e’tibor qaratgani ma’qul.

"Men akademiyadan ishlashga tayyor va o‘sishni istaydigan futbolchini tanlagan bo‘lardim. Futbolchini chetdan taklif qilish oson, ammo "Barselona" uchun bu yo‘l emas. Umuman olganda, klub o‘z tarbiyalanuvchilariga tayanishi kerak," - deya Pedro so‘zlarini keltiradi Jijantes.