Belgiyaning "Bryugge" klubi hamon tayanch yarimhimoyachi Ardon Yasharining transferi yuzasidan "Milan"ga javob bermayapti. Bu haqda insayder Fabrisio Romano ma’lum qilmoqda.
Manba xabar berishicha, "Milan" 10 kun oldin 22 yoshli shveysariyalik futbolchi uchun 38 million yevro taklif qilgan, biroq hozirgacha javob ololmagan. Mish-mishlarga ko‘ra, "Bryugge" Yasharini sotishdan 46 million yevrodan ortiq mablag‘ olish umidida yanada yaxshiroq taklif kutmoqda. Ta’kidlash joizki, "Bryugge" o‘tgan yozda Yasharini "Lyusern"dan atigi olti million yevroga sotib olgan edi.
Mavsumda futbolchi barcha musobaqalarda 52 ta o‘yin o‘tkazib, to‘rtta gol urdi va oltita golli uzatma bergan.
