Бельгиянинг "Брюгге" клуби ҳамон таянч яримҳимоячи Ардон Яшарининг трансфери юзасидан "Милан"га жавоб бермаяпти. Бу ҳақда инсайдер Фабрицио Романо маълум қилмоқда.
Манба хабар беришича, "Милан" 10 кун олдин 22 ёшли швейцариялик футболчи учун 38 миллион евро таклиф қилган, бироқ ҳозиргача жавоб ололмаган. Миш-мишларга кўра, "Брюгге" Яшарини сотишдан 46 миллион евродан ортиқ маблағ олиш умидида янада яхшироқ таклиф кутмоқда. Таъкидлаш жоизки, "Брюгге" ўтган ёзда Яшарини "Люцерн"дан атиги олти миллион еврога сотиб олган эди.
Мавсумда футболчи барча мусобақаларда 52 та ўйин ўтказиб, тўртта гол урди ва олтита голли узатма берган.
