“Rubin”ni tark etgan o‘zbekistonlik 29 yoshli markaziy himoyachi Rustam Ashurmatov Qozon klubini tark etish sabablari haqida gapirdi.

"Menga boshqa klubdan taklif bo‘lgan edi, “Rubin” esa rad etmadi. To‘g‘risini aytsam, ko‘proq o‘yin amaliyotiga ega bo‘lishni xohlardim, shu bois jamoani tark etishga qaror qildim.

“Rubin”da qolishim mumkin edi, chunki klub bilan shartnomam tugashiga hali bir yil bor. Lekin jahon chempionatiga chiqish uchun o‘yin amaliyotiga ega bo‘lishim kerak. O‘tgan mavsum men kutganimdek ko‘p o‘ynay olmadim. Men ko‘proq o‘ynashni xohladim va harakat qildim, lekin bu amalga oshmadi", - dedi Ashurmatov.

9 iyul kuni Rustam Ashurmatov Qozonning “Rubin” klubidan Eronning “Istiqlol” klubiga o‘tgani rasman e’lon qilindi.