“Рубин”ни тарк этган ўзбекистонлик 29 ёшли марказий ҳимоячи Рустам Ашурматов Қозон клубини тарк этиш сабаблари ҳақида гапирди.
"Менга бошқа клубдан таклиф бўлган эди, “Рубин” эса рад этмади. Тўғрисини айтсам, кўпроқ ўйин амалиётига эга бўлишни хоҳлардим, шу боис жамоани тарк этишга қарор қилдим.
“Рубин”да қолишим мумкин эди, чунки клуб билан шартномам тугашига ҳали бир йил бор. Лекин жаҳон чемпионатига чиқиш учун ўйин амалиётига эга бўлишим керак. Ўтган мавсум мен кутганимдек кўп ўйнай олмадим. Мен кўпроқ ўйнашни хоҳладим ва ҳаракат қилдим, лекин бу амалга ошмади", - деди Ашурматов.
9 июл куни Рустам Ашурматов Қозоннинг “Рубин” клубидан Эроннинг “Истиқлол” клубига ўтгани расман эълон қилинди.
