"Sporting" forvardi Viktor Dyokeresh Londonning "Arsenal" klubiga o‘tishga yaqin turibdi.

"Purple Panel" taxallusli jurnalist o‘zining ijtimoiy tarmoqdagi sahifasida klublar o‘rtasidagi muzokaralar juda ijobiy ketayotganini ma’lum qildi. Hozirda vositachilik haqini agentlar o‘rtasida taqsimlash va to‘lovlar tarkibini aniqlashtirish bo‘yicha muhokamalar olib borilmoqda. Ta’kidlanishicha, hech qanday bosim va shoshilish yo‘q.

O‘tgan mavsum 27 yoshli shvesiyalik hujumchi uchun tom ma’noda muvaffaqiyatli kechdi. O‘tkazilgan 52 ta o‘yinda u naq 54 ta gol urib, raqiblarini ranjitishga muvaffaq bo‘lgan. Bundan tashqari, Dyokeresh 13 ta golli uzatmani amalga oshirdi.