"Спортинг" форварди Виктор Дьёкереш Лондоннинг "Арсенал" клубига ўтишга яқин турибди.
"Purple Panel" тахаллусли журналист ўзининг ижтимоий тармоқдаги саҳифасида клублар ўртасидаги музокаралар жуда ижобий кетаётганини маълум қилди. Ҳозирда воситачилик ҳақини агентлар ўртасида тақсимлаш ва тўловлар таркибини аниқлаштириш бўйича муҳокамалар олиб борилмоқда. Таъкидланишича, ҳеч қандай босим ва шошилиш йўқ.
Ўтган мавсум 27 ёшли швециялик ҳужумчи учун том маънода муваффақиятли кечди. Ўтказилган 52 та ўйинда у нақ 54 та гол уриб, рақибларини ранжитишга муваффақ бўлган. Бундан ташқари, Дьёкереш 13 та голли узатмани амалга оширди.
