Mateus Kunya "Manchester Yunayted"da 10-raqamni kiyish u uchun nimani anglatishini aytdi.

"Bu siz doimo orzu qiladigan narsa. Uni kiygan ko‘plab o‘yinchilarni nomlashim mumkin. Bu juda oddiy. Albatta, har safar o‘sha futbolkadagi bu raqamni ko‘rganimda, esimga Ueyn Runi keladi. Men uning o‘yinlarini ko‘rib katta bo‘lganman.

Men Markus bilan ham futbolka almashdim, uning ko‘ylagi mening uyimda. Lekin, albatta, biz bilamizki, ko‘plab futbolchilar bu raqamni kiyishgan - Van Nistelroy, Ibrahimovich.

Bu futbolkada o‘ynash men uchun shunchaki orzu emas. Raqamning butun tarixini hisobga olsak, uni kiyish sharafiga muyassar bo‘lishning ajoyib tomoni bor”, dedi “Manchester Yunayted” hujumchisi.