"Aston Villa" forvardi Olli Uotkins faoliyatini Londonning "Arsenal" klubida davom ettirishi mumkin. Bunday ma’lumotlar bilan TBR Football bo‘lishdi.
Ta’kidlanishicha, agar "kanonirlar" "Sporting"dan Viktor Dyokeresh yoki "RB Leypsig"dan Benyamin Sheshkoni qo‘lga kirita olmasa, 29 yoshli futbolchi "Arsenal"ning navbatdagi nishoniga aylanadi.
Uotkins 2020 yildan buyon "Aston Villa" sharafini himoya qilib kelmoqda. Hujumchi o‘tgan mavsumda barcha musobaqalarni qo‘shib hisoblaganda 54 ta o‘yinda maydonga tushib, 17 ta gol urgan va 14 ta golli uzatmani o‘z hisobiga yozdirib qo‘ygan.













