Luka Modrich "Real" o‘rniga "Milan"ga o‘tadi. Xorvatiyalik futbolchining Italiya klubiga o‘tishi haqida ishonchli ma’lumotlar allaqachon paydo bo‘lgan, ammo kelishuv haligacha rasman tasdiqlanmagan. Jurnalist Luka Byankinning yozishicha, 39 yoshli futbolchi kelasi hafta Milanga keladi va u yerda tibbiy ko‘rikdan o‘tib, "rossonerilar" bilan shartnoma imzolaydi. Shundan so‘ng, xavbek ta’tilga chiqadi. Futbolchining "Milan"ga yangi kelgan futbolchi sifatidagi taqdimoti avgust oyiga rejalashtirilgan.
Luka Modrich 13 yil davomida "Real" sharafini himoya qilgan. Chorshanba kuni yarim himoyachi "qaymoqranglilar" safidagi so‘nggi o‘yinini o‘tkazdi: u KO‘JCH yarim finalida "PSJ"ga qarshi o‘yinda zaxiradan maydonga tushdi, ammo jamoasiga yirik mag‘lubiyatdan qutulib qolishga yordam bera olmadi (0:4).
