Frankfurtning "Ayntraxt" klubi markaziy hujumchisi Ugo Ekitike "Liverpul"ning yangi futbolchisiga aylanishi mumkin.
Jurnalist Sebastyen Vidalning yozishicha, agar urugvaylik hujumchi Darvin Nunyes "Liverpul"dan ketishga qaror qilsa, mersisaydliklar Ekitikening transferini tezlashtirishga harakat qiladi. "Qizillar" 23 yoshli fransuzni 100 million yevroga qo‘lga kiritishiga ishonmoqda, chunki futbolchining o‘zi Arne Slotning loyihasiga qiziqish bildirmoqda.
O‘tgan mavsumda Ekitike 48 ta uchrashuvda 22 marta raqiblar darvozasini ishg‘ol qilishga muvaffaq bo‘ldi. Bundan tashqari, forvard o‘z hisobiga 12 ta assist yozdirib qo‘yishga muvaffaq bo‘ldi.
