Франкфуртнинг "Айнтрахт" клуби марказий ҳужумчиси Уго Экитике "Ливерпуль"нинг янги футболчисига айланиши мумкин.
Журналист Себастьен Видалнинг ёзишича, агар уругвайлик ҳужумчи Дарвин Нуньес "Ливерпуль"дан кетишга қарор қилса, мерсисайдликлар Экитикенинг трансферини тезлаштиришга ҳаракат қилади. "Қизиллар" 23 ёшли французни 100 миллион еврога қўлга киритишига ишонмоқда, чунки футболчининг ўзи Арне Слотнинг лойиҳасига қизиқиш билдирмоқда.
Ўтган мавсумда Экитике 48 та учрашувда 22 марта рақиблар дарвозасини ишғол қилишга муваффақ бўлди. Бундан ташқари, форвард ўз ҳисобига 12 та ассист ёздириб қўйишга муваффақ бўлди.
