"Arsenal" muxlislarining bir qismi Noni Maduekening transferiga qarshi chiqdi.

Avvalroq, 23 yoshli vinger 48,5 mln funt evaziga "Chelsi"dan ko‘chib o‘tishga yaqin ekani ma’lum bo‘lgandi.

4 mingdan ortiq kishi imzolagan petisiya yaratildi va ijtimoiy tarmoqlarda #NoToMadueke xeshtegi ommalashdi. Bundan tashqari, "Emireyts" yonidagi graffitiga noma’lum shaxslar "Arteta - ket" deb yozishgan.

So‘nggi yillarda "Arsenal" "Chelsi"dan olti nafar futbolchini o‘z safiga qo‘shib oldi va Madueke ushbu transfer oynasida darvozabon Kepa Arrisabalagadan keyingi ikkinchi futbolchiga aylanadi. BBC'ning qayd etishicha, ba’zi muxlislar "Arsenal" yanada nomdor transferlarga intilishi kerak, deb hisoblamoqda.