"Barselona" "Manchester Yunayted" vingeri Markus Reshfordni o‘z safiga qo‘shib olish haqida o‘ylamoqda.

"Qizil iblislar" 27 yoshli futbolchi bilan joriy transferlar davrida xayrlashishga qat’iy qaror qilgan. Mankunianlar ijara bo‘yicha taklifni qabul qilishga tayyor, biroq bitimga sotib olish majburiyatini ham qo‘shmoqchi. "Barselona" hozircha bunday talabni qabul qilish yoki qilmaslikka qaror qilgani yo‘q. Muzokaralar davom etmoqda.

Yaqinda "Barsa" prezidenti Joan Laporta va bosh murabbiy Xans-Diter Flik Kataloniya poytaxtida Markus Reshfordning agenti bilan uchrashuv o‘tkazdi. Ko‘plab mish-mishlarga ko‘ra, ingliz qishdan beri "ko‘k-anorranglilar" safiga qo‘shilishni orzu qiladi.