Luka Modrich 13 yillik faoliyatidan so‘ng Madridning "Real" klubini tark etadi. Klublar o‘rtasidagi jahon chempionati yarim finalidan o‘rin olgan "PSJ"ga qarshi o‘yin (0:4) 39 yoshli xorvatiyalik futbolchi uchun "qaymoqranglilar" safidagi so‘nggi o‘yin bo‘ldi.

“13 yillik uyim. Mening abadiy uyim. Bu xayrlashuv emas, bu — tez orada ko‘rishamiz degani", - degan Modrich ijtimoiy tarmoqdagi sahifasida "Real"dagi esda qolarli lahzalar aks etgan suratlarni ilova qilib.

Xavbekning yangi klubi "Milan" bo‘ladi. Tez orada futbolchi tibbiy ko‘rikdan o‘tib, "rossonerilar" bilan shartnoma imzolashi kutilmoqda.

Luka Modrich "Real" safida 597 ta o‘yinda 43 ta gol va 95 ta golli uzatmani amalga oshirgan.