Лука Модрич 13 йиллик фаолиятидан сўнг Мадриднинг "Реал" клубини тарк этади. Клублар ўртасидаги жаҳон чемпионати ярим финалидан ўрин олган "ПСЖ"га қарши ўйин (0:4) 39 ёшли хорватиялик футболчи учун "қаймоқранглилар" сафидаги сўнгги ўйин бўлди.
“13 йиллик уйим. Менинг абадий уйим. Бу хайрлашув эмас, бу — тез орада кўришамиз дегани", - деган Модрич ижтимоий тармоқдаги саҳифасида "Реал"даги эсда қоларли лаҳзалар акс этган суратларни илова қилиб.
Хавбекнинг янги клуби "Милан" бўлади. Тез орада футболчи тиббий кўрикдан ўтиб, "россонерилар" билан шартнома имзолаши кутилмоқда.
Лука Модрич "Реал" сафида 597 та ўйинда 43 та гол ва 95 та голли узатмани амалга оширган.
