Madridning “Real” klubi tarkibdagi bir qator futbolchilarni sotishga tayyor, deb xabar beradi Mundo Deportivo.
Manbaga ko‘ra, klublar o‘rtasidagi jahon chempionatidan so‘ng rahbariyati shunday qarorga kelgan.
Qayd etilishicha, darvozabon Andrey Lunin, yarim himoyachi Dani Sebalos va hujumchi Rodrigo transfer oynasida sotuvga qo‘yilgan.
Lunin klublar o‘rtasidagi jahon chempionatida o‘ynamaganidan norozi bo‘lgan. Sebalos ham turnirda asosiy tarkibda birorta o‘yinda ishtirok etmadi. Rodrigo esa asosiy tarkibda bitta o‘yin o‘tkazdi.













