Tez orada vinger Luis Dias "Liverpul"ni tark etib, yangi jamoaga qo‘shilishi mumkin. So‘nggi paytlarda mish-mishlar kolumbiyalikni Yevropaning ikki grandi - "Barselona" va "Bavariya" bilan bog‘lamoqda.
Ispaniyaning Sport nashri xabariga ko‘ra, "Barselona" Diasni o‘z safiga qo‘shib olishi qiyin bo‘ladi. Kataloniyaliklar futbolchi uchun 60 million yevrodan ortiq taklif qilishga tayyor emas, "Bavariya" esa 70 milliondan 80 milliongacha to‘lash imkoniyatini ko‘rib chiqmoqda. "Liverpul" aynan shuncha so‘ramoqda.
Manbaning ta’kidlashicha, 28 yoshli Diasning o‘zi "Bavariya"ga o‘tishni juda xohlamoqda. Myunxen klubi "Liverpul" bilan transfer bo‘yicha muloqotlarni davom ettirmoqda.
