Тез орада вингер Луис Диас "Ливерпуль"ни тарк этиб, янги жамоага қўшилиши мумкин. Сўнгги пайтларда миш-мишлар колумбияликни Европанинг икки гранди - "Барселона" ва "Бавария" билан боғламоқда.
Испаниянинг Sport нашри хабарига кўра, "Барселона" Диасни ўз сафига қўшиб олиши қийин бўлади. Каталонияликлар футболчи учун 60 миллион евродан ортиқ таклиф қилишга тайёр эмас, "Бавария" эса 70 миллиондан 80 миллионгача тўлаш имкониятини кўриб чиқмоқда. "Ливерпуль" айнан шунча сўрамоқда.
Манбанинг таъкидлашича, 28 ёшли Диаснинг ўзи "Бавария"га ўтишни жуда хоҳламоқда. Мюнхен клуби "Ливерпуль" билан трансфер бўйича мулоқотларни давом эттирмоқда.
