Darvin Nunyes ketgan taqdirda "Liverpul" qaysi hujumchini o‘z safiga qo‘shib olishi mumkinligi ma’lum bo‘ldi.

Jurnalist Sebastyen Vidalning ta’kidlashicha, "Liverpul" o‘tgan 72 soat davomida "RB Leypsig" hujumchisi Benyamin Sheshko vakillari bilan bir necha bor aloqada bo‘lgan, so‘nggi telefon muloqoti bugun tongda bo‘lib o‘tgan. Qayd etilishicha, "RB Leypsig" Sheshko uchun deyarli 90 million yevro so‘ramoqda. "Liverpul" Nunyesga o‘rinbosar sifatida futbolchiga jiddiy qiziqish bildirmoqda.

O‘tgan mavsumda 22 yoshli sloveniyalik barcha musobaqalarda 45 ta o‘yinda maydonga tushib, 21 ta gol urgan va 6 ta golga hammualliflik qilgan.