Дарвин Нуньес кетган тақдирда "Ливерпуль" қайси ҳужумчини ўз сафига қўшиб олиши мумкинлиги маълум бўлди.

Журналист Себастьен Видалнинг таъкидлашича, "Ливерпуль" ўтган 72 соат давомида "РБ Лейпциг" ҳужумчиси Беньямин Шешко вакиллари билан бир неча бор алоқада бўлган, сўнгги телефон мулоқоти бугун тонгда бўлиб ўтган. Қайд этилишича, "РБ Лейпциг" Шешко учун деярли 90 миллион евро сўрамоқда. "Ливерпуль" Нуньесга ўринбосар сифатида футболчига жиддий қизиқиш билдирмоқда.

Ўтган мавсумда 22 ёшли словениялик барча мусобақаларда 45 та ўйинда майдонга тушиб, 21 та гол урган ва 6 та голга ҳаммуаллифлик қилган.