Angliyalik yarim himoyachi Jordan Xenderson "Brentford"ga o‘tishi haqida gapirdi. Tomonlar ikki yillik mehnat shartnomasini imzolashdi.

"Men bu klubda bo‘lganimdan xursandman. Ishga imkon qadar tezroq kirishni xohlayman. "Brentford"ning so‘nggi yillarda erishgan yutuqlaridan xursandman. Muzokaralar olib borganimizda, o‘zimni yaxshi his qildim. Yakunda men juda tez qarorga keldim. Klubning yanada yuqori ko‘tarilishiga yordam bermoqchiman", - dedi Xenderson klub matbuot xizmatiga.

Eslatib o‘tamiz, Angliya Premyer-ligasining 2024/2025 yilgi mavsumida "Brentford" turnir jadvalida o‘ninchi o‘rinni egallagan edi.