Madridning "Real" klubiga yangi kelgan hujumchi Franko Mastantuono "qaymoqranglilar" bosh murabbiyi Xabi Alonso bilan bo‘lgan suhbat uning ispan klubiga o‘tish qaroriga ta’sir qilganini ma’lum qildi.
"Men Xabi bilan gaplashdim. U bilan suhbat chindan ham meni bir qarorga kelishga undadi. U men bilan samimiy gaplashdi va bu men uchun juda muhim edi, deb o‘ylayman. "River"ni tark etish oson emas, buni hammamiz bilamiz, ammo u menga qo‘ng‘iroq qilganidan so‘ng biroz yengil tortdim va shu sababli qaror qabul qildim," - deya Mastantuononing so‘zlarini keltiradi AS.
Eslatib o‘tamiz, 17 yoshli futbolchi "Real"ga 63,2 mln yevro evaziga o‘tgan va bu Argentina futboli tarixidagi eng yirik transfer hisoblanadi.
