Мадриднинг "Реал" клубига янги келган ҳужумчи Франко Мастантуоно "қаймоқранглилар" бош мураббийи Хаби Алонсо билан бўлган суҳбат унинг испан клубига ўтиш қарорига таъсир қилганини маълум қилди.
"Мен Хаби билан гаплашдим. У билан суҳбат чиндан ҳам мени бир қарорга келишга ундади. У мен билан самимий гаплашди ва бу мен учун жуда муҳим эди, деб ўйлайман. "Ривер"ни тарк этиш осон эмас, буни ҳаммамиз биламиз, аммо у менга қўнғироқ қилганидан сўнг бироз енгил тортдим ва шу сабабли қарор қабул қилдим," - дея Мастантуононинг сўзларини келтиради AS.
Эслатиб ўтамиз, 17 ёшли футболчи "Реал"га 63,2 млн евро эвазига ўтган ва бу Аргентина футболи тарихидаги энг йирик трансфер ҳисобланади.
