Londonning "Arsenal" klubi so‘nggi 23 yil ichida o‘zining eng yirik transfer rekordini o‘rnatishi mumkin.
Qayd etilishicha, yozda klubning asosiy tarkibiga bir yo‘la oltita yangi o‘yinchi qo‘shilishi kutilmoqda.
Jurnalist Sem Din o‘z ijtimoiy tarmog‘ida shunday yozadi: "Agar yaqin kunlarda hamma narsa reja bo‘yicha ketsa, "Arsenal" mavsumoldi safari boshlanishidan oldin asosiy jamoa uchun oltita transferni amalga oshiradi. Hozirgi transfer oynasi tizimi joriy etilganidan buyon o‘tgan 23 yil ichida "Arsenal"da bunday holat kuzatilmagan".
"Arsenal" tarkibiga allaqachon darvozabon Kepa Arrisabalaga, yarim himoyachilar Martin Subimendi va Kristian Nyorgor qo‘shilgan. Yaqin orada "to‘pchilar" safini "Chelsi"dan Noni Madueke, "Valensiya"dan Kristian Moskera va Lissabonning "Sporting" klubidan Viktor Dyokeresh to‘ldirishi mumkin.













