"Manchester Yunayted" va Fransiya terma jamoasining sobiq hujumchisi Lui Saa sobiq jamoadoshi Krishtianu Ronalduning maoshi haqida gapirdi. "An-Nasr" bilan yangi shartnomasiga ko‘ra, Ronaldu keyingi mavsumda 183 million yevro ishlab oladi.

"U futbol va jamiyat uchun qilgan ishlari uchun u haftasiga 1 milliard yevro maosh olishga loyiqdir", - dedi Saa Goal bilan suhbatda.

Fransiyalik sobiq futbolchining fikricha, Ronaldu 40 emas, 25 yoshda bo‘lgandek saviyada o‘ynashda davom etmoqda. Ayni paytda uning so‘zlariga ko‘ra, hozirda "Manchester Yunayted" tarkibida teskari taassurot qoldirayotgan futbolchilar bor.