"Bavariya" "Shtutgart" hujumchisi Nik Voltemadega qiziqish bildirmoqda. Biroq, transfer jarayoni cho‘zilib ketmoqda. "Shvablar" nafaqat Voltemade uchun 40 million yevro va 5 million yevro bonus taklif etilganini rad etishdi, balki elektron xat ham yuborishdi. Unda "Shtutgart" futbolchining diqqatini chalg‘itmaslik uchun "Bavariya"dan Voltemade bilan muzokaralarni to‘xtatishni talab qildi. Bu haqda Bild nashrida xabar berildi.
"Shtutgart" klublar summa bo‘yicha kelishuvga erishmaguncha "Bavariya"ning 23 yoshli Voltemade bilan aloqaga chiqishini istamayapti.
Nufuzli Transfermarkt portali Nik Voltemadeni 30 million yevroga baholamoqda.













