"Бавария" "Штутгарт" ҳужумчиси Ник Вольтемадега қизиқиш билдирмоқда. Бироқ, трансфер жараёни чўзилиб кетмоқда. "Шваблар" нафақат Вольтемаде учун 40 миллион евро ва 5 миллион евро бонус таклиф этилганини рад этишди, балки электрон хат ҳам юборишди. Унда "Штутгарт" футболчининг диққатини чалғитмаслик учун "Бавария"дан Вольтемаде билан музокараларни тўхтатишни талаб қилди. Бу ҳақда Bild нашрида хабар берилди.
"Штутгарт" клублар сумма бўйича келишувга эришмагунча "Бавария"нинг 23 ёшли Вольтемаде билан алоқага чиқишини истамаяпти.
Нуфузли Transfermarkt портали Ник Вольтемадени 30 миллион еврога баҳоламоқда.
