Hujumchi Moyze Kin yozda "Fiorentina"ni tark etmaydi, deb xabar beradi OneFootball. Futbolchining huquqlarini 52 million funt evaziga sotib olish bandi o‘z kuchini yo‘qotdi. U 1 iyuldan 15 iyulgacha amal qildi.

Shu tariqa, 25 yoshli italiyalik futbolchi u bilan shartnomani 2030 yilgacha uzaytirmoqchi bo‘lgan klubida qoladigan bo‘ldi. "Fiorentina" futbolchining maoshini 4,5 million funtgacha oshirishga tayyor.

2024/25 yilgi mavsumda Kin barcha musobaqalarda 44 ta o‘yinda maydonga tushib, 25 ta gol urdi va 3 ta golli uzatmani amalga oshirdi.