Ҳужумчи Мойзе Кин ёзда "Фиорентина"ни тарк этмайди, деб хабар беради OneFootball. Футболчининг ҳуқуқларини 52 миллион фунт эвазига сотиб олиш банди ўз кучини йўқотди. У 1 июлдан 15 июлгача амал қилди.
Шу тариқа, 25 ёшли италиялик футболчи у билан шартномани 2030 йилгача узайтирмоқчи бўлган клубида қоладиган бўлди. "Фиорентина" футболчининг маошини 4,5 миллион фунтгача оширишга тайёр.
2024/25 йилги мавсумда Кин барча мусобақаларда 44 та ўйинда майдонга тушиб, 25 та гол урди ва 3 та голли узатмани амалга оширди.
