"Milan" Nikolas Jekson uchun poygadan chiqdi.
Avvalroq, "rossonerilar" "Chelsi"dagi kelajagini o‘ylayotgan hujumchiga qiziqish bildirayotgani haqida xabarlar tarqalgan edi. London klubi Daily Mail xabariga ko‘ra, 24 yoshli futbolchini 100 mln funtga baholamoqda.
Insayder Fabrisio Romanoning ma’lum qilishicha, hozircha "Milan" bilan bitim tuzishning imkoni yo‘q. So‘ralayotgan summa juda katta va milanliklarda aloqalarni davom ettirish niyati yo‘q.
Shu bilan birga, bir vaqtning o‘zida bir nechta jamoalar Nikolasga da’vogarlik qila boshladi, chunki u yozda "Chelsi"dan ketishi mumkin.
Premyer-liga klublari futbolchi uchun dastlabki so‘rovlarni yubormoqda, deb yozadi Romano.
O‘tgan mavsumda Jekson APLning 30 turida 10 ta gol urdi.
