"Милан" Николас Жексон учун пойгадан чиқди.
Аввалроқ, "россонерилар" "Челси"даги келажагини ўйлаётган ҳужумчига қизиқиш билдираётгани ҳақида хабарлар тарқалган эди. Лондон клуби Daily Mail хабарига кўра, 24 ёшли футболчини 100 млн фунтга баҳоламоқда.
Инсайдер Фабрицио Романонинг маълум қилишича, ҳозирча "Милан" билан битим тузишнинг имкони йўқ. Сўралаётган сумма жуда катта ва миланликларда алоқаларни давом эттириш нияти йўқ.
Шу билан бирга, бир вақтнинг ўзида бир нечта жамоалар Николасга даъвогарлик қила бошлади, чунки у ёзда "Челси"дан кетиши мумкин.
Премьер-лига клублари футболчи учун дастлабки сўровларни юбормоқда, деб ёзади Романо.
Ўтган мавсумда Жексон АПЛнинг 30 турида 10 та гол урди.
